Efteryn straten wy mei Robin yn it hok, Jasper en Ivar sintraal, Lars op links en Jurjan op rjochts. Op it middenfjild ferdichjend Bernard en Klaas en mear nei foaren ta Jordi. Foaryn op rjochts Joran, op links René en yn de punt Kees Pieter ( krekt syn waar hjoed ).
Wy hienen al rap yn de gaten dat wy oan de rjochterkant kânsen hienen….Joran wie sa rap as in hazze ! Hy kaam dan ek al rykelik gau oant twa kear each yn each mei de graue keeper fan SVM, dy’t goed nei de bal seach…it prikje mei de linkerskonk wie in bytsje te trochsichtig.
Nei tweintig minuten foel dan dochs de 0-1, de bal kaam foar de fuotten fan Klaas en dy betocht sich net… fia de skonk fan in SVM ferdigener belâne de bal yn de goal. Aldehaske bliuw goed druk setten en der kamen noch wol mear bêste kânsen.. noch in kear Joran ( bytsje mear oersicht hie in goal oplevere, René rûn frijn eist him ) Kees Pieter en René krigen de bal der net yn.
Rêststân 0-1. Hawar, yn de twadde helte moast der fansels wol trochwrotten wurde, mar SVM krige wol in bytsje mear greep op de striid. De bal kaam faker foar de goal fan Robin en ùt ien fan dy oanfallen slaggen de grien-wyten der yn om de 1-1- op it skoareboerd te setten. Dêrnei gie it spul wat op en del, René wie wat ûngelokkich yn de ôfwurking, dat hie sa mar 1-2 wêze kint.
Nei dat de grinsrjochter fan SVM op in gemene manier Joram ôfvlagge foar bûtenspul ( Hy waard hjir eem mei konfronteare troch de skriuwer : “do bist lyke gemeen as’t lang bist ) barde der einliks net in hiele dikke soad mear. Einte en Warner foelen wol hiel fertsjinstelik yn, sy mei wol faker mei dwaan!
Oare wike besykje wy wêr trije punte te pakken, om 13.00 ûre tsjin Willemsoord 2 op sportpark Bultsma.